अयोध्या : अयोध्येत राम मंदिर निर्माणासाठी विश्व हिंदू परिषदेकडून देणगीच्या स्वरूपात गोळा करण्यात आलेले जवळपास 15 हजार बँक चेक बाउन्स झाले आहेत. तसेच या संपूर्ण चेकचे मूल्य किंमत २२ कोटी इतकी आहे. चेक खात्यांमध्ये कमी रक्कम असल्याने तसेच काही तांत्रिक अडचणीमुळे हे चेक बाउन्स झाल्याचे श्रीराम जन्मभूमी तीर्थक्षेत्र न्यासाकडून सांगण्यात आले आहे.
मकर संक्रांतीच्या शुभमुहूर्तावर अयोध्या येथे बांधण्यात येणाऱ्या राम मंदिर निर्माणासाठी देणगी स्वीकारण्याची मोहीम सुरू करण्यात आली होती. याद्वारे करोडो रुपये जमा झाल्याची माहिती आहे. देश-विदेशातून लोकांनी राम मंदिराच्या निर्माणासाठी सढळ हाताने देत आहे. महाराष्ट्रातील राजकीय नेत्यांसह इतर राज्यातील नेत्यांनीही देणगी दिल्याच्या बातम्या समोर आल्या होत्या.
सध्या चेक बाउन्स बाबत तांत्रिक अडचणींवर बँक कर्मचारी काम करत आहेत. संबंधित देणगीदारांना पुन्हा दान करण्याची विनंती करण्यात येत आहे. यातील जवळपास दोन हजार चेक अयोध्येमध्येच संग्रहित करण्यात आले आहेत, असे न्यासचे सदस्य डॉ. अनिल मिश्रा म्हणाले. तसेच या मोहिमेमध्ये मुस्लीम समाजातील नागरिकही देखील मागे राहिलेले नाहीत. अयोध्येच्या पवित्र नगरीला धर्मनिरपेक्षता आणि सर्वधर्मसमभावाचे प्रतिक बनविण्यासाठी वासी हैदर यांच्याकडून 12 हजार, तर शाह बानो यांच्याकडून 11 हजार रुपयांची वर्गणी देण्यात आली आहे.
