मुंबई दि. १८ – काही दिवसांपूर्वी नियंत्रणात आलेली करोनाची रुग्णसंख्या पुन्हा एकदा अतिशय झपाट्यानं वाढू लागली आहे. आतापर्यंत अनेक दिग्गज व बड्या नेत्यांसह अभिनेत्री व अभिनेत्यांना घेरलं असून अशा या विषाणूच्या विळख्यात एक अतिशय लोकप्रिय आणि लाडकी सेलिब्रिटी जोडीही आली आहे.अभिनेत्री प्रिया बापट व उमेश कामत या दोघांना करोनाची लागण झाली आहे. आपल्याला करोनाची लागण झाल्याची माहिती या जोडिनं सोशल मीडियाच्या माध्यमातून देत आपण, घरीच विलगीकरणात असल्याचं सांगितलं.
‘दुर्दैवानं उमेश आणि मला कोरोनाची लागण झाली आहे. आम्ही स्वगृहीच विलगीकरणात आहोत. गरजेची सर्व औषधं आणि आवश्यक ती काळजी आम्ही घेत आहोत. सर्व नियमांचं पालनही करत आहोत. कृपया मागील आठवड्यात आमच्या संपर्कात आलेल्यांनी कोरोना चाचणी करा किंवा काही दिवस विलगीकरणात राहा’, असं आवाहन या दोघांनीही सोशल मीडियाच्या माध्यमातून केलं.
