शिवसेना (ठाकरे गटाच्या) प्रयत्नांतुन झिरपवाडी येथील डिपी पुन्हा सुरु

फलटण :फलटण तालुक्यातील झिरपवाडी येथील हरिबुवा डिपी नादुरुस्त झाला असलेबाबतची तक्रार शेतक-यांनी फलटण येथील शिवसेना जनसंपर्क कार्यालयास समक्ष भेट देऊन शिवसेना (उद्धव बाळासाहेब ठाकरे) फलटण तालुका प्रमुख प्रदिप झणझणे यांचेकडे केली होती. सदर तक्रारीनंतर शिवसेना फलटण तालुका प्रमुख प्रदिप झणझणे यांनी वीज महावितरण सेक्शन ऑफीसर गंगावणे यांचेशी संपर्क साधला व त्यांना शेतक-यांच्या शेतपीकांच्या समस्येबाबत सविस्तर माहिती देऊन तात्काळ डिपी बसवण्याची मागणी केली. यावेळी शिवसेना फलटण तालुका प्रमुख प्रदिप झणझणे, विभाग प्रमुख किसन यादव, झिरपवाडी ग्रामपंचायत सदस्य सतिश चव्हाण, दिनेश चव्हाण, महेश चव्हाण, मंगेश चव्हाण, दादासो चव्हाण, संजय चव्हाण, सोमनाथ जगताप, दताञय चव्हाण, नानासो ढेंबरे, प्रविण चव्हाण, यशराज चव्हाण, आप्पासो चव्हाण, आदी शेतकरी मोठ्या संख्येने उपस्थित होते.

शिवसेना ठाकरे गटाच्या मागणीची गांभीर्याने दखल घेत व सातत्यपूर्ण केलेल्या पाठपुराव्यानंतर वीज महावितरणकडुन दिनांक 22 सप्टेंबर 2023 रोजी झिरपवाडी येथील हरिबुवा डिपी तात्काळ बसवण्यात आला. शिवसेना फलटण तालुका प्रमुख प्रदिप झणझणे यांनी सातत्यपूर्ण केलेल्या पाठपुराव्यानंतर लवकरात लवकर डिपी बसवण्यात आल्याची माहिती झिरपवाडी येथील शेतक-यांनी दिली. फलटण वीज महावितरणचे झिरपवाडी येथील शेतक-यांच्यावतीने आभार व्यक्त करण्यात आले.

शिवसेना ठाकरे गटाच्या माध्यमातून प्रदिप झणझणे मागील प्रदीर्घ कालावधीपासुन फलटण तालुक्यातील शेतक-यांच्या न्याय्य हक्कांसाठी लढत आहेत व शेतक-यांना न्याय मिळवून देण्याचे कार्य करत आहेत. त्यामुळे शेतक-यांमध्ये आनंद व समाधान असल्याची भावना फलटण तालुक्यातील शेतकरी व्यक्त करत आहेत.