काँग्रेसचे नेते व माजी अध्यक्ष राहुल गांधी यांना कोरोनाची लागण झाली आहे. त्यांना कोरोनाची लागण झाल्याचे त्यांनी आपल्या ट्विटर अकाउंटवरून सांगितले आहे. तसेच त्यांच्या संपर्कात आल्यानं सगळ्यांना त्यांनी काळजी घेण्याचे व कोरोना चाचणी करून घेण्याचे आवाहन केले आहे.
Congress leader Rahul Gandhi tests positive for #COVID19 with mild symptoms pic.twitter.com/oQGVWNCVBq
— ANI (@ANI) April 20, 2021
राहुल गांधी म्हणाले की, कोरोनाची काही सौम्य लक्षणे जाणवू लागल्यानंतर मी चाचणी करून घेतली होती. त्यात मला कोरोनाचा संसर्ग झाल्याचे निदान झाले आहे. माझ्या संपर्कात आलेल्यांनी कोरोनाची चाचणी करून घ्यावी. तसेच सुरक्षित राहण्यासाठी कोरोनाबाबतच्या सर्व नियमांचे पालन करावे, असे आवाहन राहुल गांधी यांनी या ट्विटमधून केले आहे. सध्या देशात पुन्हा कोरोनाने डोके वर काढले आहे.यामुळे दिवसाला लाखोंच्या पट्टीने कोरोनाचे रुग्ण आढळत आहेत. तसेच आतापर्यंत अनेक बड्या नेत्यांना कोरोनाची लागण झाली आहे.
