करोना विषाणूला वर्ष उलटून गेले तरी त्याचा प्रसार हा अजूनही झपाट्याने वाढत चालला आहे . त्यामुळे देशात चिंताजनक स्थिती निर्माण झाली आहे.
गेल्या काही दिवसांपासून देशात मोठ्या संख्येत रुग्णवाढ नोंद होत आहे. दरम्यान सोमवारी देशात गेल्या २४ तासात ४६ हजार ९५१ रुग्णांची नोंद झाली आहे. ७ नोव्हेंबरनंतरची ही देशातील एका दिवसातील सर्वाधिक रुग्णसंख्या आहे.
यासोबतच देशातील करोनाबाधित रुग्णसंख्या १ कोटी १६ लाख ४६ हजार ८१ इतकी झाली आहे. आरोग्य मंत्रालयाकडून ही माहिती देण्यात आली आहे.
दरम्यान देशात सध्या ३ लाख ३४ हजार ६४६ अॅक्टिव्ह रुग्ण आहेत.
