देशात एकीकडे दिवसेंदिवस कोरोनाचे रुग्ण झपाट्याने वाढत आहेत. तर दुसरीकडे मृतांची संख्या झोप उडवणारी आहे. मागील २४ तासात दोन हजाराहून अधिक रुग्णांचा मृत्यू झाला आहे. केंद्रीय आरोग्य मंत्रालयाने दिलेल्या माहितीनुसार देशात गेल्या २४ तासात २ लाख ९५ हजार ४१ नवे करोना रुग्ण आढळले आहेत. देशात मागील २४ तासात मृतांची संख्या ही २,०२३ वर गेली आहे. यासोबत देशातील करोनामुळे मृत्यू झालेल्या रुग्णांची संख्या १ लाख ८२ हजार ५५३ इतकी झाली आहे. तर रुग्णसंख्या १ कोटी ५६ लाख १६ हजार १३० वर पोहोचली आहे. १ लाख ६७ हजार ४५७ जणांना डिस्चार्ज देण्यात आला. देशात आतापर्यंत १ कोटी ३२ लाख ७६ हजार ३९ रुग्ण उपचारानंतर बरे झाले आहेत.त्यामुळे आकडेवारी चिंतेत टाकणारी आहे.
India reports 2,95,041 new #COVID19 cases, 2,023 deaths and 1,67,457 discharges in the last 24 hours, as per Union Health Ministry
Total cases: 1,56,16,130
Total recoveries: 1,32,76,039
Death toll: 1,82,553
Active cases: 21,57,538Total vaccination: 13,01,19,310 pic.twitter.com/YrLu5MVdbl
— ANI (@ANI) April 21, 2021
कोरोनाची साखळी तोडण्यासाठी कोरोना वर मात करण्यासाठी सोशल डिस्टंसिंग, सॅनिटायझेशन आणि मास्क हे घटक जरी आवश्यक असले तरी लसीकरण हे एक महत्त्वाचा घटक मानावा लागेल. देशात लसीकरण मोहीम तीव्र केली जाणार आहे. येत्या १ मे पासून १८ वर्षांवरील व्यक्तींना देखील लसीकरण केले जाणार असल्याची माहिती पंतप्रधान नरेंद्र मोदी यांनी दिलेली आहे.
