मुंबई : काँग्रेसचे ज्येष्ठ नेते आणि दक्षिण मुंबई लोकसभा मतदार संघाचे माजी खासदार एकनाथ गायकवाड यांचे निधन झाले असल्याचे समोर आले आहे. एकनाथ गायकवाड यांना करोनाची लागण झाली होती. त्यांच्यावर गेल्या अनेक दिवसांपासून ब्रीचकॅण्डी रुग्णालयात उपचार सुरु होते. मात्र उपचारा दरम्यानच त्यांची प्राणज्योत मालवली आहे. एकनाथ गायकवाड हे राज्याच्या शालेय शिक्षणमंत्री वर्षा गायकवाड यांचे वडील होते.
माजी खासदार व मुंबई काँग्रेसचे माजी अध्यक्ष एकनाथ गायकवाड यांना करोनाची लागण झाल्यानंतर ब्रीच कॅण्डी रुग्णालयात दाखल करण्यात आलं होतं. तिथे त्यांच्यावर उपचार सुरु होते. मात्र उपचार सुरु असतानाच बुधवारी सकाळी त्यांनी अखेरचा श्वास घेतला. त्यांच्या निधाच्या बातमीनंतर विविध स्तरातून त्यांना श्रद्धाजली वाहण्यात येत आहे.
एकनाथ गायकवाड हे काँग्रेसचे जेष्ठ नेते होते तसेच ते दोनवेळा दक्षिण मुंबई लोकसभा मतदार संघाचे खासदार राहिले आहे. लोकसभा निवडणुकीला त्यांनी शिवसेना नेते मनोहर जोशी यांचा पराभव करून विजय झाले होते. एकनाथ गायकवाड यांच्या निधनामुळे काँग्रेससह राजकीय क्षेत्राला खूप मोठा धक्का बसला आहे.
एकनाथ गायकवाड यांनी दक्षिण मध्य मुंबई मतदारसंघातून शिवसेना नेते आणि लोकसभेचे माजी सभापती मनोहर जोशी यांचा पराभव केला होता. दक्षिण मध्य मुंबईतून दोन वेळा ते निवडून आले होते. नंतर मात्र शिवसेनेच्या राहुल शेवाळे यांनी त्यांचा पराभव केला होता.
