उत्तरप्रदेश : संपूर्ण देशभरात पुन्हा एकदा कोरोनाने आपलं डोकं वर काढलं आहे. आज वाढत असलेली रुग्णसंख्या केंद्र सरकारच्या चिंतेत भर घालणारी आहे. तसेच मृत्यूचे प्रमाणही काही अंशतः वाढलेले दिसून येत आहे. त्यात सर्व सामान्य नागरिकांसह राजकीय पुढाऱ्यांना सुद्धा कोरोनाची लागण झाल्याचे वृत्त समोर येत आहे.
त्यातच आता समाजवादी पक्षाचे अध्यक्ष आणि माजी मुख्यमंत्री अखिलेश यादव यांना सुद्धा कोरोनाची लागण झाल्याचे वृत्त समोर येत आहे. या संदर्भातील माहिती त्यांनी स्वतः ट्विट करून दिलेली आहे. पॉझिटिव्ह आल्यानंतर अखिलेश यादव यांनी स्वत:चे विलगिकरण करून घेतलं आहे.
ते आपल्या ट्विटमध्ये म्हणतात की, ‘आताच माझा कोरोना टेस्ट रिपोर्ट पॉझिटिव्ह आला आहे. मी स्वत:ला क्वारंटाइन करून घेतलं आहे आणि घरातच उपचार सुरू करण्यात आले आहेत. गेल्या काही दिवसात जे लोक माझ्या संपर्कात आले आहेत, त्या सर्वांना विनम्रतेने आग्रह करतो की चाचणी करून घ्या. तसेच काही दिवस विलगिकरण करून घेत स्वत: इतर कुणाच्या संपर्कात येऊ नका.’, असं आवाहन देखील त्यांनी यावेळी केले आहे.
अभी-अभी मेरी कोरोना टेस्ट की रिपोर्ट पॉज़िटिव आई है। मैंने अपने आपको सबसे अलग कर लिया है व घर पर ही उपचार शुरू हो गया है।
पिछले कुछ दिनों में जो लोग मेरे संपर्क में आये हैं, उन सबसे विनम्र आग्रह है कि वो भी जाँच करा लें। उन सभी से कुछ दिनों तक आइसोलेशन में रहने की विनती भी है।
— Akhilesh Yadav (@yadavakhilesh) April 14, 2021
