संपूर्ण राज्यभरात नाही तर देश-विदेशात होळी आणि रंगपंचमी उत्साहात साजरी केली जात आहे. या प्रसंगी आता अमेरिकेच्या नवनिर्वाचित उपराष्ट्रपती कमला हॅरिस यांनी सुद्धा सर्व भारतीयांना होळीच्या शुभेच्छा दिल्या आहेत. होळी हा आपापसातले मतभेद विसरून एकत्र येण्याचा सण असल्याचं त्यांनी आपल्या संदेशात म्हटलं आहे.
उपराष्ट्रपती कमला हॅरिस यांनी आपल्या ट्वीट्च्या माध्यमातून होळीच्या शुभेच्छा दिल्या आहेत.त्या आपल्या ट्विटमध्ये म्हणतात की, “होळीच्या खूप शुभेच्छा, होळी हा रंगांचा सण आहे. हा रंग आपल्या जवळच्या आणि आपण ज्यांच्यावर प्रेम करतो त्यांना लावला जातो. होळीचा सण हा सकारात्मक विचारांनी भरलेला असतो. या दिवशी आपण सर्वांनी आपापासातले मतभेद विसरून एकत्र यायला हवं.” असे ट्विट त्यांनी केले आहे.
अमेरिकेत मोठ्या प्रमाणात नोकरीनिमित्त भारतीय वास्तव्य करत आहेत. तसेच जगाच्या कानाकोपऱ्यात नोकरी निमित्त भारतीय स्थलांतर झाले आहेत. आज सर्वत्र जगभरात रंगपंचमीचा उत्साह पाहायला मिळत आहे.
Happy Holi! Holi is best known for vibrant colors that are tossed at friends and loved ones. Full of joy, Holi is all about positivity, setting aside our differences, and coming together. A message that’s been embodied by communities across the world during these tough times.
— Vice President Kamala Harris (@VP) March 28, 2021
