पश्चिम बंगाल निवडणुकांमध्ये भाजपा विरूद्ध ममता दीदी हा चुरशीचा सामना सुरू झाला आहे. भाजपाने सुवेंदु अधिकारी यांना ममता दीदींविरोधात उभं केलं असलं, तरी ममता दीदींनी त्यांचा सामना थेट पंतप्रधान नरेंद्र मोदींशीच असल्याप्रमाणे प्रचाराची तयारी सुरू केली आहे.
#WATCH | Industrial growth has stopped. Only his (PM Narendra Modi's) beard is growing. Sometimes he calls himself Swami Vivekananda & sometimes renames stadiums after his own name. Something is wrong with his brain. It seems his screw is loose: West Bengal CM Mamata Banerjee pic.twitter.com/3zn0v5BRXM
— ANI (@ANI) March 26, 2021
याच पार्श्वभूमीवर शुक्रवारी झालेल्या प्रचारसभेमध्ये ममतादीदींनी थेट मोदींवर निशाणा साधताना त्यांच्यावर खोचक टीका केली आहे. “इथे उद्योगविश्वाचा विकास थांबला आहे, फक्त त्यांची दाढी वाढते आहे. कधी ते स्वत:ला स्वामी विवेकानंद म्हणवून घेतात, तर कधी स्टेडियमला स्वत:चं नाव देतात. त्यांच्या डोक्यात काहीतरी बिघाड झाला आहे. त्यांचा स्क्रू ढिला झालाय असं वाटतंय”, असं ममता बॅनर्जी म्हणाल्या आहेत. एएनआयनं यासंदर्भात माहिती दिली आहे.
