नवी दिल्ली- काही वेळापूर्वीच केजरीवाल सरकारकडून आजपासून पुढील सहा दिवस लाॅकडाउन घोषित करण्यात आला आहे. मात्र लाॅकडाउनची घोषणा होताचं दारुच्या दुकानांवर एकच गर्दी पाहायला मिळाली.आठवड्याची सोय करण्यासाठी सगळ्याच तळीरामांनी दुकानं गाठली. मात्र यावेळी दारूच्या दुकानासमोर मोठ्या प्रमाणात गर्दी पाहायला मिळाली आठवडाभराची सोय करण्यासाठी दारूसाठी लांबच लांब रांगा पाहायला मिळाल्या मात्र सोशल डिस्टंन्सचा फज्जा उडाल्याचेही चित्र समोर आले. काहींच्या तोंडावर मास्क नव्हते तर काहींनी सोशल डिस्टंन्स पाळलं नसल्याची माहिती समोर आली. परंतु एवढा प्रचंड गर्दीत लक्ष वेधून घेतल ते एका महिलेने. ती महिलाही दारू खरेदीसाठी आली होती.
एएनआयच्या वृत्तानुसार
#WATCH Delhi: A woman, who has come to purchase liquor, at a shop in Shivpuri Geeta Colony, says, "…Injection fayda nahi karega, ye alcohol fayda karegi…Mujhe dawaion se asar nahi hoga, peg se asar hoga…" pic.twitter.com/iat5N9vdFZ
— ANI (@ANI) April 19, 2021
दिल्लीमधील शिवपुरी गीता वसाहतीत असलेल्या एका दारुच्या दुकानात खरेदीसाठी आली होती. दारू हेच औषध असल्याचं ही महिला सांगत होती. ‘मी एक बाटली आणि दोन क्वॉर्टर घ्यायला आले आहे. इंजेक्शननं फायदा होत नाही. अल्कोहोलनं फायदा होतो. इथे आलेली जितकी माणसं आहेत, जी दारू पितात, ती अगदी व्यवस्थित राहतील. मद्यपी सगळे उत्तम राहणार. आमच्यावर औषधाचा काही परिणाम होत नाही. आमच्यावर फक्त दारूचा परिणाम होतो. मी ३५ वर्षांपासून दारु पितेय. इतक्या वर्षात मी कोणताही दुसरा डोस घेतला नाही. रोज एक पेग घेते. तोच आमचा डोस. दिल्लीत एक आठवड्याचा लॉकडाऊन सुरू झाला आहे. पण या कालावधीत दारुची दुकानं सुरू राहायला हवीत. मला आम्हाला डॉक्टरांकडे, रुग्णालयांमध्ये जाण्याची गरज भासणार नाही. आतापर्यंत आम्हाला आवश्यकता वाटली नाही. यापुढेही वाटणार नाही, असं या महिलेनं सांगितलं. असं ही महिला सांगत होती.
