सातारा :दिनांक 23.02.2021 रोजी दुपारी 15.40 वाजता चे सुमारास मौजे सासवड ता फलटण गावचे हद्दीतुन जमीनीच्या खालुन जाणारी HP कंपनीची पेट्रोलच्या पाईप लाईनला होल पाडुन पेट्रोलची चोरी करण्याचा प्रयत्न केला असता त्यातून सुमारे दोन हजार लिटर पेट्रोल शेजारचे ज्वारीचे शेतात पसरल्याने , जमीनीत मुरलेले पेट्रोल आजूबाजूचे विहीरीत उतरल्यामुळे आजूबाजूचे शेतक – यांचे शेतीचे नुकसान झाले होते .
सदर नुकसान झालेल्या पेट्रोलचे बाजारभाव मुल्यांनुसार 1,90,000 रुपये असे असल्याचे हिंदुस्थान पेट्रोलियम कापोरेशन लिमीटेड या कंपनीचे सहाय्यक प्रबंधक श्री.विकी सत्यवान पिसे यांनी लोणंद पोलीस ठाणेस दिलेल्या तक्रारीवरुन गुन्हा दाखल करण्यात आला होता .
सदर झालेल्या घटनेचे गांभीर्य लक्षात घेवुन मा .श्री.अजयकुमार बंसल , पोलीस अधीक्षक सातारा , अपर पोलीस अधीक्षक श्री.धिरज पाटील , व उपविभागीय पोलीस अधिकारी श्री तानाजी बरडे यांनी सदरचा गुन्हा उघडकीस आणणेबाबत लोणंद पोलीस ठाणेचे प्रभारी अधिकारी श्री.विशाल के . वायकर यांना सुचना दिल्या होत्या .
त्यानुसार सपोनि.वायकर यांनी तांत्रिक माहितीच्या आधारे गुन्हे प्रकटीकरण पथकासोबत यातील सराईत आंतरराज्य टोळीतील ( 7 ) सात आरोपी निष्पन्न करुन त्यांना गुन्हे शाखा क्रमांक 2 पिंपरी चिचवड पोलीस आयुक्तालय यांचे मदतीने पिंपरी चिंचवड परिसरातून शिताफीने सापळा रचून ताब्यात घेऊन, इंट्रॉगेशन स्किलचा वापर करुन त्यांचेकडे केलेल्या तपासात यातील सात ही आरोपींनी सदरचा गुन्हा केल्याचे कबूल केल्याने तसचे त्यांनी अशा प्रकारचे पेट्रोल चोरी सारखे गुन्हे महाराष्ट्रातील अनेक इतर जिल्हयामध्ये केल्याचे तपासात निष्पन्न झाले असून त्यांना सदर गुन्हयात अटक करण्यात आली आहे .
सदर आरोपींना मा.प्रथमवर्ग न्यायदंडाधिकारी फलटण यांचे न्यायालयात हजर करुन त्यांची दिनांक 12.05.2021 रोजी पर्यंत पोलीस कोठडी घेण्यात आली आहे . गुन्हयाचा पुढील तपास पोलीस उपनिरीक्षक गणेश माने हे करीत आहेत . श्री.अजयकुमार बंसल पोलीस अधिक्षक सातारा, श्री . धिरज पाटील अप्पर पोलीस अधिक्षक सातारा यांचे सुचनेप्रमाणे तसेच श्री . तानाजी बरडे उपविभागीय पोलीस अधिकारी फलटण विभाग यांचे मार्गदर्शनाखाली सहाय्यक पोलीस निरीक्षक श्री.विशाल के.वायकर , पोलीस उपनिरीक्षक गणेश माने , गुन्हे प्रकटीकरण पथकाचे पो.ना.संतोष नाळे , पोकॉ . श्रीनाथ कदम , तसेच सपोफो . अंकुश इवरे , अनिल भोसले , शौकत सिकिलकर , घोहवा. महेंद्र सपकाळ , संजय जाधव , पोकॉ . अविनाश शिंदे , सागर घेडे , अभिजित घनवट , विठ्ठल काळे , नाना होले , ज्ञानदेव साबळे , शशिकांत गाडे , शिवाजी सावंत , चालक विजय शिंदे यांनी सदर कारवाईत सहभाग घेतला आहे .
अटक आरोपींची नावे:-
1 ) अनित हरीशंकर पाठक (वय 32 वर्षे रा.मुळ गाव पिंडराई पटखान जि.वाराणसी राज्य उत्तरप्रदेश सध्या रा . वाल्हेकरवाडी चिंचवड)
2) बाळु आण्णा चौगुले (वय 42 वर्षे रा.रामनगर चिंचवड पुणे)
3 ) मोतीराम शंकर पवार (वय 20 वर्षे रा.गवळीमाथा भोसरी पुणे)
4 ) इस्माईल पिरमहंमद शेख (वय 62 वर्षे रा.डीमार्ट शेजारी पिपंरी पुणे)
5 ) शाम शिवाजी कानडी (वय 50 वर्षे रा . वाल्हेकरवाडी चिंचवड)
6 ) दत्तात्रय सोपान लोखंडे (वय 41 वर्षे रा.सासवड ता.फलटण जि.सातारा)
7 ) नामदेव ज्ञानदेव जाधव( वय 28 वर्षे रा . दालवडी ता . फलटण जि.सातारा)
