नागपूर : महाराष्ट्रात पुन्हा एकदा कोरोनाने आपलं डोकं वर काढलं आहे. मागच्या चोवीस तासात देशात १ लाख ३० हजार हून अधिक नवीन कोरोना रुग्णांची नोंद झाली आहे. आज वाढत असलेली रुग्णसंख्या राज्य सरकार आणि स्थानिक प्रशासनाच्या चिंतेत अधिक भर घालणारी आहे.
एकीकडे लसीकरण युद्ध पातळीवर सुरु असताना दुसरीकडे सामान्य नागरिकांसोबत अनेक राजकीय पुढारी, सेलिब्रिटी आणि विविध क्षेत्रातील मान्यवरांना कोरोनाची लागण झाल्याचे वृत्त समोर आले आहे. त्यात आता राष्ट्रीय स्वयंसेवी संघाचे संघचालक मोहन भागवत यांना सुद्धा कोरोनाची लागण झाल्याचे वृत्त समोर येत आहे.
संघाने शुक्रवारी रात्री उशिरा ट्विट करत याबाबतची माहिती दिली आहे. मोहन भागवत यांची आरटीपीसीआर टेस्ट पॉझिटिव्ह आली आहेत. त्यांच्यामध्ये काही हलकी लक्षणं असल्याने त्यांना नागपुरातील किंग्जवे रुग्णालयात दाखल करण्यात आले आहे. सध्या त्यांची प्रकृती स्थिर असून त्यांच्यावर उपचार सुरू आहेत. असे ट्विट त्यांनी केले आहे. तसेच केंद्रीय मंत्री नितीन गडकरी यांनीस सुद्धा ट्विट करून त्यांना लवकरच बरं वाटावे, अशी देवाकडे प्रार्थना करतो, असे ट्विट त्यांनी केले आहे.
RSS Sarsanghchalak Dr. Mohanji Bhagwat today tested Corona positive. He has normal symptoms and admitted to Kigsway hospital Nagpur.
— RSS (@RSSorg) April 9, 2021
