नाशिकमध्ये बुधवारी घडलेल्या घटनेनंतर आता महाराष्ट्र पोलिसांच्या अहवालानुसार निष्काळजीपणामुळे ही घटना घडली असल्याचे पोलिसांनी सांगितले आहे. याबाबत पोलिसांनी नाशिक पोलीस आयुक्त यांनी माहिती दिली आहे त्यांनी म्हटले आहे की, ‘ नाशिक ऑक्सिजन टँकर गळतीची’ दुर्घटना निष्काळजीपणामुळे घडली आहे. याबाबत भद्रकाली पोलीस ठाण्यात अज्ञात व्यक्तीविरोधात भारतीय दंड संहिता कलम कलम ३०४ अ नुसार गुन्हा दाखल करण्यात आला आहे.
Maharashtra | As per police report, the incident occurred due to negligence. Case registered under section 304A IPC against unknown persons at Bhadrakali police station: Nashik Police Commissioner on the death of 24 people due to oxygen tanker leak at Dr. Zakir Hussain Hospital pic.twitter.com/A7yTqNKoWh
— ANI (@ANI) April 22, 2021
बुधवारी नाशिक झाकीर हुसेन या रुग्णालयात झालेल्या ऑक्सिजन गळतीमुळे संपूर्ण महाराष्ट्र हादरला आहे. या गळतीत तब्बल २२ जणांचा मृत्यू झाला आहे. महाराष्ट्रासाठी हा काळा दिवस आहे. घडलेल्या घटनेनंतर अनेक राजकीय नेत्यांनी घटनास्थळी पाहणी केली.
त्यानंतर राज्याचे मुख्यमंत्री उद्धव ठाकरे यांनी या निष्काळजीपणात जे दोषी असतील त्यांची सखोल चौकशी केली जाईल असे आश्वासन दिले व प्रत्येकी मृतांच्या कुटुंबियांना ५ लाखाची मदत जाहीर केली. या घटनेनंतर मात्र रुग्णालय परिसरात एकच धावपळ सुरू झाली. या घटनेचा शोक व्यक्त करताना उपमुख्यमंत्री अजित पवार यांनी पुन्हा अशी घटना घडू नये याबाबत संबंधित यंत्रणेला निर्देश दिले आहेत.
