मुंबई : राष्ट्रवादीचे नेते आणि कर्जत-जामखेडचे आमदार रोहित पवार यांच्या वडिलांना २०१९ चा डॉ. पंजाबराव देशमुख कृषीरत्न पुरस्कार काल जाहीर झाला आहे. यासंदर्भात स्वत: रोहित पवार यांनी ट्विटरवरुन माहिती दिली. त्यांना मिळालेल्या या पुरस्काराबद्दल विविध क्षेत्रातील मान्यवरांनी त्यांचे अभिनंदन केले आहे.
आता त्या पाठोपाठ मिळालेल्या पुरस्काराबद्दल आपल्या वडिलांचे अभिनंदनही आमदार लेकाने केलं आहे. दरम्यान, राजेंद्र पवार यांनी बारामती अग्रीकल्चर डेव्हलपमेंट ट्रस्टच्या माध्यमातून जागितक पातळीवरील प्रयोगशील शेती बारामतीत केली आहे.
ते आपल्या ट्विटमध्ये म्हणतात की, ”कृषि क्षेत्रात उल्लेखनीय कार्य केल्याबद्दल राज्याच्या कृषी विभागाच्या वतीने देण्यात येणारा ‘डॉ. पंजाबराव देशमुख कृषिरत्न पुरस्कार – २०१९’ बाबांना (राजेंद्र दादा पवार) जाहीर झाला. या सन्मानाबद्दल बाबांचं आणि इतरही वेगवेगळे पुरस्कार जाहीर झालेल्या मान्यवरांचं मनःपूर्वक अभिनंदन!’, असे रोहित पवार यांनी म्हटलं आहे.
रोहीत यांनी वडिलांचे शेतातील आणि शेतीसंबधित जोडधंद्यातील कामाचे फोटोही व्टिवटरवरुन शेअर केले आहेत. तसेच कोणतीही अपेक्षा न ठेवता केवळ समाजाच्या हितासाठी सदैव काम करत असताना त्याची दखल अशा पुरस्काराच्या माध्यमातून घेतली जाते, तेंव्हा अधिक आनंद वाटतो. पुरस्कार जाहीर झालेले सर्व सन्माननीय भविष्यातही कृषी आणि संलग्न क्षेत्रात उल्लेखनीय काम करतील, असा विश्वासही व्यक्त केला आहे.
कृषि क्षेत्रात उल्लेखनीय कार्य केल्याबद्दल राज्याच्या कृषी विभागाच्या वतीने देण्यात येणारा 'डॉ. पंजाबराव देशमुख कृषिरत्न पुरस्कार – २०१९' बाबांना (राजेंद्र दादा पवार) जाहीर झाला. या सन्मानाबद्दल बाबांचं आणि इतरही वेगवेगळे पुरस्कार जाहीर झालेल्या मान्यवरांचं मनःपूर्वक अभिनंदन! pic.twitter.com/5pdFytsx4c
— Rohit Pawar (@RRPSpeaks) March 31, 2021
