मुंबई- राष्ट्रवादी काॅंग्रेसचे सर्वेसवा शरद पवार यांना मुंबईतील ब्रीच कँडी रुग्णालयात पुन्हा दाखल करण्यात आलं आहे. काल रात्री मुंबईतील ब्रीच कँडी रुग्णालयात त्यांच्यावर छोटी शस्त्रक्रिया करण्यात आली. त्यासाठी शरद पवार यांना कालच रुग्णालयात दाखल करण्यात आलं होतं. गेल्या जवळपास २१ दिवसात शरद पवारांवरील ही तिसरी शस्त्रक्रिया आहे .गेल्या महिन्याभरत शरद पवार यांना आतपर्यंत ३ वेळा दाखल करण्यात आले आहे. या आधीही त्यांच्यावर शस्त्रक्रिया करण्यात आल्या व त्या यशस्वी ठरल्या आहेत. मात्र आता त्यांच्यावर पुन्हा एक शस्त्रक्रिया करण्यात आली आहे.
Update
Our party President Sharad Pawar saheb was admitted at Breach Candy Hospital in Mumbai last evening for a follow up procedure post his Gall Bladder surgery.
The procedure has been conducted and he is now recuperating in the hospital.— Nawab Malik نواب ملک नवाब मलिक (@nawabmalikncp) April 21, 2021
दरम्यान, राष्ट्रवादीचे प्रवक्ते नवाब मलिक यांनी आजही ट्विट करुन, पवारांच्या प्रकृतीची माहिती दिली. ‘आमचे पक्षाध्यक्ष शरद पवार साहेब काल संध्याकाळी मुंबईतील ब्रीच कॅण्डी रुग्णालयात अॅडमिट झाले. त्यांच्यावर गॉल ब्लॅडर शस्त्रक्रिया झाली होती. त्याच्या नियमित तपासणीसाठी ते रुग्णालयात दाखल झाले. त्यांची प्रकृती सुधारत आहे’, असं नवाब मलिक म्हणाले.
