मुंबई : राष्ट्रवादीचे अध्यक्ष शरद पवार यांनी आज कोरोना लसीचा दुसरा डोस घरीच टोचून घेतला आहे. या संदर्भातील माहिती शरद पवारांनी स्वतः ट्विट करून दिली आहे. काही दिवसांपूर्वी पित्ताशयात खडे झाल्यामुळे शरद पवारांवर ब्रीच कॅण्डी रुग्णालयात शस्त्रक्रिया करण्यात आली होती. त्यामुळे डॉक्टरांनी त्यांना घरीच आराम करण्याचा सल्ला दिला होता. त्यामुळे आज जे. जे, रुग्णालयातील डॉक्टरांनी त्यांना घरी येऊन कोरोना लसीचा दुसरा डोस दिला आहे.
आज सकाळी कोविड-१९ लसीकरणाचा दुसरा डोस घेतला. डॉ. लहाने व त्यांच्या वैद्यकीय पथकाचे तसेच दोन्ही डोस कौशल्याने देणाऱ्या परिचारिका श्रीमती श्रद्धा मोरे यांचे मनापासून आभार! pic.twitter.com/pxnvZEZskB
— Sharad Pawar (@PawarSpeaks) April 7, 2021
या संदर्भात शरद पवारांनी ट्विट करत म्हटले आहे की, ‘आज सकाळी कोविड-१९ लसीकरणाचा दुसरा डोस घेतला. डॉ. लहाने व त्यांच्या वैद्यकीय पथकाचे तसेच दोन्ही डोस कौशल्याने देणाऱ्या परिचारिका श्रीमती श्रद्धा मोरे यांचे मनापासून आभार!’ असे ट्विट त्यांनी केले आहे. तसेच या वेळी जे. जे .रुग्णालयातील वरीष्ठ डॉक्टर तात्यासाहेब लहाने सुद्धा उपस्थित होते.
तसेच पुढे अजून एक ट्विट करत ते म्हणतात की, योगायोगाने आज जागतिक आरोग्य दिन आहे. या निमित्ताने मी सर्व नागरिकांना आवाहन करतो की, आपणही कोविड लसीकरणाची प्रक्रिया लवकरात लवकर पूर्ण करून या विषाणूच्या लढाईत सक्रिय सहभाग नोंदवावा,’ असे ते म्हणाले आहेत. यापूर्वी शऱद पवारांनी १ मार्चला करोना लसीचा पहिला डोस घेतला होता. मुंबईमधील जे. जे. रुग्णालयात जाऊन त्यांनी करोनाची लस घेतली होती.
