मुंबई- बिग बॉसमधील प्रसिद्ध अभिनेता एजाज खानला मंगळवारी ड्रग्ज प्रकरणात एनसीबीकडून अटक करण्यात आली. त्याला मुंबई विमानतळावरून ताब्यात घेतलं. त्यानंतर जवळपास आठ तास त्याची चौकशी करण्यात आली. एनसीबीकडून एजाजशी संबंधित अंधेरीमधील लोखंडवाला येथील अनेक ठिकाणांवर धाडी देखील टाकण्यात आल्या. दरम्यान अटकेनंतर एजाजच्या घरात झोपेच्यां गोळ्या सापडल्या. त्याच्या घरात सापडलेल्या झोपेच्या गोळ्यांवर खुलासा केला आहे.
Maharashtra: NCB takes actor Ajaz Khan for a medical check-up before producing him before a court in Mumbai for remand.
"Only 4 sleeping pills were found at my home. My wife has suffered a miscarriage & is using these pills as antidepressants," he says. pic.twitter.com/y3R1UG3wvK
— ANI (@ANI) March 31, 2021
या गोळ्या एजाजची पत्नी घेत असल्याचे त्याने सांगितले. ‘माझ्या घरात केवळ चार झोपेच्या गोळ्या आढळून आल्या आहेत. माझ्या पत्नीचा गर्भपात झाला आणि ती झोपेसाठी या गोळ्या घेत होती’ असं एजाज खानने म्हटलं आहे.
गेल्या आठवड्यात एनसीबीने शादाब शेख उर्फ शादाब बटाटा या अंमलीपदार्थ विक्रेत्याला अटक केली होती. चित्रपटसृष्टीशी संबंधित व्यक्तींना मागणीप्रमाणे विविध अंमलीपदार्थ उपलब्ध करून देण्यासाठी शादाब प्रसिद्ध होता. त्याच्या चौकशीतून अभिनेता एजाजचे नाव पुढे आले होते.
