ठाणे दि.९ – राज्यात करोनाचा प्रसार झपाट्याने वाढत आहे. दिवसेंदिवस रुग्णाची संख्या ही दुप्पटीने वाढत असल्याने करोना परिस्थिती नियंत्रणात आणण्यासाठी राज्यातील काही भागात कडक लाॅकडाउन करण्याचा र्निणय घेण्यात आलाय ठाणे महापालिका प्रशासनाने करोना परिस्थिती नियंत्रणात आणण्यासाठी १६ हॉटस्पॉट असलेल्या भागांमध्ये आजपासून लॉकडाउन लागू करण्याचा निर्णय घेतला आहे. आयुक्तांनी तसे आदेश काढले असून, हा लॉकडाउन सुरूवातीच्या २१ दिवसांच्या लॉकडाउनप्रमाणेच कडक असणार आहे.
ठाणे महापालिका हद्दीतही करोना रुग्णांची संख्या वाढत असल्याचे आकडेवारीतून दिसून आलं. करोनाचा वाढता प्रादुर्भाव रोखण्यासाठी महापालिका प्रशासनानं उद्रेक झालेल्या भागांना हॉटस्पॉट घोषित केलं आहे.
त्यामुळे ठाण्यातील आई नगर-कळवा, सूर्या नगर-विटावा, खारेगाव हेल्थ सेंटर, चेंदणी कोळीवाडा, श्रीनगर, हिरानंदानी इस्टेट, लोढा माजीवाडा, रुणवाल गार्डन सिटी, बालकुम, लोढा अमारा, शिवाजी नगर, दोस्ती विहार, हिरानंदानी मिडोज, पाटील वाडी, रुणवाल प्लाझा, कोरेस नक्षत्र, कोरेस टॉवर, रुणवाल नगर-कोलबाद, रुस्तोमजी-वृंदावन अशा १६ ठिकाणी आजपासून कडक लॉकडाउन घोषित करण्यात आले आहे.
