पश्चिम बंगाल : पश्चिम बंगालमध्ये पार पडणाऱ्या विधानसभा निवडणुकीला आता सत्ताधारी आणि विरोधकांनी एकमेकांवर जोरदार आरोप प्रत्यारोप सुरु केले आहे. त्यात पंतप्रधान नरेंद्र मोदी यांनी तृणमूलच्या सर्वेसर्वा आणि मुख्यमंत्री ममता बॅनर्जी यांच्यावर जोरदार टीका केली होती.
पश्चिम बंगालच्या मुख्यमंत्री आणि तृणमूल काँग्रेसच्या प्रमुख ममता बॅनर्जी यांना दुसऱ्या मतदारसंघातून निवडणूक लढण्याची इच्छा आहे का असा टोला पंतप्रधान मोदी यांनी लगावला होता. आता या टीकेला तृणमूलच्या खासदार महुआ मोइत्रा यांनी सडेतोड उत्तर दिले आहे.
‘लाखो लोक उपस्थित असणाऱ्या सभेत पंतप्रधान नरेंद्र मोदी मुख्यमंत्र्यांना उपहासात्मकपणे दीदी ओ दी असे म्हणत होते. तुम्ही असं म्हणाल का? ते आपल्या आईबद्दल असं बोलतील का? आपल्या बहिणीबद्दल असं बोलतील का? कोणाबद्दलही ते असं बोलतील का ? हे ठीक कसं काय असू शकतं? पंतप्रधान येऊन आता आम्हाला सभ्यतेबद्दल शिकवणार का? पंतप्रधान येथे बसून हे सर्वात दर्जाहीन पद्धतीने मुख्यमंत्र्यांचा उल्लेख करत आहेत असे मोहित्रा यांनी बोलून दाखविले होते.
‘Contesting from second seat?’
PM Modi jabs Mamata BanerjeeYes Mr. Prime Minister, she will.
And it will be Varanasi!So go get your armour on.
— Mahua Moitra (@MahuaMoitra) April 1, 2021
‘दुसऱ्या जागेवर निवडणूक? हो.मिस्टर प्राइम मिनिस्टर नक्कीच. त्या लढणार आणि तो मतदारसंघ वाराणसी असेल. त्यामुळे तयारीला लागा,’ असे त्या म्हणाल्या आहेत.
