मुंबई : मुंबईमधील भांडुप भागात मॉलमध्ये असलेल्या रुग्णालयाला आग लागली असून या आगीत दोन रुग्णाचा मृत्यू झालेला आहे. सदर ही घटना भांडुपमध्ये घडली असून या आगीत उपचार घेत असलेल्या दोन रुग्णाचा मृत्यू झालेला आहे.
सदर आग रुग्णालयाला रात्री १२:३० च्या दरम्यान लागली होती. भांडुपमधील ड्रीम्स मॉल सनराइज हॉस्पिटलमध्ये ही आग लागली. मुंबईत एकीकडे करोना रुग्णसंख्या वाढत असतानाच दुसरीकडे मात्र आग लागल्याच्या घटना वाढताना दिसत आहे.
सदर लागलेल्या आगीची माहिती मिळाल्यानंतर अग्निशमन दलाच्या २२ गाड्या घटनास्थळी दाखल झाल्या होत्या. आगीचं कारण अद्याप अस्पष्ट असून याप्रकरणी तपास सुरु करण्यात आला आहे.“आगीमध्ये दोघांचा मृत्यू झाला आहे. रात्री १२.३० वाजता रुग्णालयाच्या पहिल्या मजल्यावर आग लागली होती.
तसेच यावर बोलताना महापौर किशोरी पेडणेकर म्हणाल्या की, “पहिल्यांदाच मी मॉलमध्ये हॉस्पिटल पाहत आहे. ही अत्यंत गंभीर बाब आहे. सात रुग्ण व्हेंटिलेटरवर होते. ७० रुग्णांना इतर रुग्णालयात नेण्यात आलं आहे. आगीचं कारण जाणून घेण्यासाठी तपास केला जाईल असे त्या यावेळी म्हणाल्या.
Maharashtra: Fire breaks out at a hospital in Mumbai's Bhandup; rescue operation on
"Cause of fire is yet to be ascertained. I've seen a hospital at mall for the first time. Action to be taken. 70 patients including COVID infected shifted to another hospital," says Mumbai Mayor pic.twitter.com/sq1K29PVhe
— ANI (@ANI) March 25, 2021
