अनेक दिवसांपासून वाढती लोकसंख्या लक्षात घेता पुन्हा लॉकडाऊन होईल का याकडे सर्वांचे लक्ष लावून राहिले आहे त्यात राज्य सरकारकडून लॉकडाऊनचे निर्देशही देण्यात आले आहे.यातच राजेश टोपे यांनी लॉकडाउनसंबंधी संवाद साधला आहे.
“ज्या ठिकाणी इतक्या मोठ्या संख्येने रुग्ण वाढत आहेत तेव्हा वाढणारे रुग्ण, आपल्याकडे असणारी संसाधनं या सगळ्याचं आपण मोजमाप करत राहतो. वाढत राहणारी संख्या पुढच्या आठवड्यात किती असेल त्यावेळी किती बेड उपलब्ध असतील याचा अभ्यास करणं यंत्रणेची गरजच असते. त्यामुळे लॉकडाउन हा विषय कोणालाच मान्य नाही, आवडत नाही, प्रियदेखील नाही. पण परिस्थिती येते तेव्हा ऐनवेळी लॉकडाउन करत नसतो. तो अभ्यास कऱण्याचा विषय असतो. मुख्यमंत्र्यांनी व्हिडीओ कॉन्फर्निसिंगच्या माध्यमातून अनेक बैठकांमध्ये यावर चर्चा केली आहे,” असं राजेश टोपे यांनी सांगितलं आहे.
“लॉकडाउन हा शेवटी विचार करुन निर्णय घेण्याचा विषय आहे. जसं निर्बंध कडक करायचे असतील तर कसे करायचे, उद्योगांना हात लावू नये, स्थलांतरित मजुरांचा मुद्दा उपसिथ्त झालेल्या क्षेत्राला हात लावू नये वैगेरे अशा अनेक गोष्टींचा अभ्यास होत असतो. त्या अभ्यासातून , परिस्थितीवर नजर ठेवून नंतर निर्णय घेतला जात असतो. त्यामुळे तात्काळ लॉकडाउनचा निर्णय घेला जात नाही. निर्बंध कडक करत जावं लागतं,” “रुग्णसंख्या वाढणं चिंतेचा विषय आहे. लोकांचा प्रतिसाद मिळाला पाहिजे. लोकांचा निर्धास्तपणा हा त्याचं मुख्य कारण आहे. कोणत्याही परिस्थितीत जे निर्बंध सांगितले आहेत ते पाळले जावेत अशी सरकारला जनतेकडून अपेक्षा आहे. असं राजेश टोपे यांनी सांगितलं.
कडक निर्बंध म्हणजे नेमकं काय करणार असं विचारण्यात आलं असता त्यांनी सांगितलं की, “जसं आपण सरकारी ऑफिसमध्ये ५० टक्के कर्मचारी घरुन काम करत आहेत तसंच खासगी कार्यालयांसाठीही करावं लागेल. त्यानंतर आपल्याला कदाचित रेस्तरॉ, चित्रपटगृह १०० टक्के बंद करावे लागतील का? गर्दीची ठिकाणं टाळण्याच्या हेतूने या काही गोष्टी कराव्या लागतात. पण जर लोक शिस्त पाळणार असतील तर नियम पाळा, लॉकडाउन टाळा हे धोरणं आहे. नियम कडक पाळले, संख्या रोखू शकलो तर लॉकडाउनची गरज नाही”.
